Misan Muti' Bukug Ayau Muit'Tikud-tikud

Ramil Tawasil, a Tasug artist

Misan Muti' Bukug Ayau Muit'Tikud-tikud

Panglima

Kailu-kailu isab in bangsa ku

400 tahunna biyunu' sin atu

Matay sakauyan in pamung mu

Misan natatasakna kailu in o

Sit! Bangun kau magbalik

Pangatu kau misan masakit

Misanpa maabu bangkit

Pahuguta in panindug mu

Bug tumangtangis in kaagi mu

Minsan laksa' in sundalu

Bud Daho' in agpang mu

Balikbatanga in pagkasilasa

Lawaana in pagkahi magbanta

Panindug mahugut hangka bangsa

Patulina marayau in atay mu

Masjid Tulay in bangsan mu

Misan dayan gusuk malubu

Lilla' pagbaugbug ha agama mu

Pamulansang kau sin Ilidji

Sasat alta' ayau magparuli

Mag-agau kawasa tahani

Pamisna kau siyabit

Misan pais mapirit

Ayau magtali' masigpit

Pa Tuhan way mahunit

Supai matun mama'

Misan dayan maggulama'

Pa satru' ayau muga'

Tuhan Di' Kalasahan

La ila Ha illa Allah

Tuhan tunggal Siya

Tuhan tuput Siya

La sa ri ka la

Ya Tuhan ya Rabbi

Ha bulan puti' ini

Magsukul kami

Ikau makasi

Kiyalasahan mu baha' in Tuhan

Mayta' nakalabi in baya' ha tunang

Wayhali kaniya pagtumtuman

Bukun ka riyum mu iyadlau

Kiyalasahan mu ka in Tuhan mu

Mayta' iyusibaan mu in waktu

Giyuna mu ha pag-arubintu

Iyusibaan sin hinang way amu

Kiyalasahan mu ka in Tuhan Masa Kawasa

Mayta' piyaidda mu in kabuhi' ha dunya

Iyuna mu siya daying sin pa Tuhan Allah

Piyuspus mu giyulgul in pilak kawasa

Kiyalasahan sin Bariman in Tuhan

Dum adlau in pagtautiyumtuman

Way mahalga' puas daying ha Tuhan

Way sampurna' puasa daying Rahman

Kiyalasahan sin Muhsinun in Allah

Atay malanu' iban masawa

Tudlid atay way pagduwa-ruwa

Tiyawakkal piyuspus pa Kaniya

Tumput Tuhan in tiyagipun

Sin kakasi sin Tuhan iban Ipun

Dugu' nyawa di' ini di' ugun

Bang karna' sin Tuhan puspusun

Tuhan subay tuud lasahun ta

Bat ha adlau akhira di' magawa

Hi tuk in manga alta' kawasa

Iban sin katan kakaibugan dunya

Matampal in lasa sin Maha Rahman

Saplag pa katan tuan dayang pa alam

Hangad ba kau pa langit

Ampa pa Tuhan kau sanglit

Dumul kau pa laud

Pa Tuhan kau sumalut

Atud kau pa baran mu

Ikau landu' maamu

Way san kawasa mu

Tuhan da in tagdapu

Panamin kau pa mata

Piluk in tayapan niyaPamintang kau kaniya

Tuhan in nagpasawaLilingan in baihu' mu

Hambuuk da in ilung mu

Duwa in taynga muIn Tuhan malasa kaimu